ಬೆಳ್ತಂಗಡಿ: ಚುನಾವಣಾ ಪೂರ್ವತಯಾರಿ ಹಿನ್ನೆಲೆ: ಚುನಾವಣಾಧಿಕಾರಿಗಳಿಂದ ಸುದ್ದಿಗೋಷ್ಠಿ

ಬೆಳ್ತಂಗಡಿ: ವಿಧಾನಸಭಾ ಚುನಾವಣೆಗೆ ಸಂಬಂಧಿಸಿದಂತೆ ಬೆಳ್ತಂಗಡಿ ಯಲ್ಲಿ ಚುನಾವಣಾಧಿಕಾರಿಗಳು ಚುನಾವಣಾಧಿಕಾರಿ ಕಚೇರಿಯಲ್ಲಿ ಸುದ್ದಿಗೋಷ್ಠಿಯನ್ನು ಕರೆಯಲಾಯಿತು.

ಈ ವೇಳೆ ಮಾತನಾಡಿದ ಚುನಾವಣಾಧಿಕಾರಿ ಯೋಗೀಶ್ ಒಟ್ಟು 241 ಮತದಾನ ಕೇಂದ್ರಗಳು, ಒಟ್ಟು 143 ಮತಗಟ್ಟೆ ಸ್ಥಳಗಳಿದ್ದು, ಒಟ್ಟು ಮತದಾರರು 222144 ಮಂದಿ ಇದ್ದು ಅದರಲ್ಲಿ ಗಂಡು 110634, ಹೆಣ್ಣು 111510 ಮಂದಿ ಇದ್ದು, ಒಟ್ಟು 241 ಬಿ.ಎಲ್.ಓಗಳು, 3 ವೀಡಿಯೋ ಚಿತ್ರೀಕರಣ ಸಿಬ್ಬಂದಿ, 3 ವೀಡಿಯೋ ಕಣ್ಗಾವಲು ಸಿಬ್ಬಂದಿ, ಕೊಕ್ಕಡ, ಚಾರ್ಮಾಡಿ, ನಾರಾವಿಯಲ್ಲಿ 3 ಚೆಕ್ ಪೋಸ್ಟ್ ಮಾಡಲಾಗಿದೆ. ಇದರಲ್ಲಿ ಎರಡು ಶಿಫ್ಟ್ ನಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ ಎಂದು ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಚುನಾವಣಾಧಿಕಾರಿ ಯೋಗೀಶ್, ಉಪಚುನಾವಣಾಧಿಕಾರಿ ಸುರೇಶ್ ಕುಮಾರ್, ಎಮ್ ಸಿ ಸಿ ಅಧಿಕಾರಿ ಕುಸುಮಾಧರ್, ಸೆಕ್ಟರ್ ಅಧಿಕಾರಿ ನಟರಾಜ್, ಸರ್ಕಲ್ ಇನ್ಸ್ಪೆಕ್ಟರ್ ಶಿವಕುಮಾರ್ ಉಪಸ್ಥಿತರಿದ್ದರು.