ಬೆಳಾಲು:ಕೊಡುಗೈ ದಾನಿ, ಪ್ರಗತಿಪರ ಕೃಷಿಕರು, ಉಪ್ಪಾರು ದಿನೇಶ್ ನಿಧನ
ಬೆಳಾಲು: ಬೆಳಾಲು ಗ್ರಾಮದ ಶಿವಪ್ರಿಯ ಉಪ್ಪಾರು ಮನೆ ನಿವಾಸಿ, ಕೊಡುಗೈ ದಾನಿ, ಪ್ರಗತಿಪರ ಕೃಷಿಕ, ಅನಂತ ಪದ್ಮನಾಭ ದೇವಸ್ಥಾನದ ಜೀರ್ಣೋದ್ಧಾರ ಸಮಿತಿಯ ಉಪಾಧ್ಯಕ್ಷರು, ದೇವಸ್ಥಾನ ದ ವ್ಯವಸ್ಥಾಪನಾ ಸಮಿತಿಯ ಉಪಾಧ್ಯಕ್ಷರಾದ ದಿನೇಶ್( 56 ವ) ಇವರು ಆ.26 ರಂದು ಅಸೌಖ್ಯದಿಂದ ಮಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾದರು.
ಇವರು ಧಾರ್ಮಿಕ ಕ್ಷೇತ್ರದಲ್ಲಿ ದೇವಸ್ಥಾನದ ಎಲ್ಲಾ ಕಾರ್ಯ ಚಟುವಟಿಕೆಗಳಲ್ಲಿಯೂ ನಿರಂತರವಾಗಿ ಮುಂದಿದ್ದರು. ಮಹಾದಾನಿಗಳು , ಅನ್ನದಾತರು ಹೌದು.ನಾರಾಯಣ ಗುರು ಸೇವಾ ಸಂಘ(ರಿ) ಬೆಳಾಲು ಇದರ ನಾರಾಯಣ ಗುರು ಮಂದಿರದ ಜೀರ್ಣೋದ್ಧಾರ ಸಮಿತಿಯ ಅಧ್ಯಕ್ಷರಾಗಿದ್ದರು.
ದೇವಸ್ಥಾನದ ಮಹಿಳಾ ಸಮಿತಿ ಸಂಘಟಿಸುವುದರೊಂದಿಗೆ ಅನಂತ ಪದ್ಮನಾಭ ಮಹಿಳಾ ಕುಣಿತ ಭಜನೆ ಯನ್ನು ಉತ್ತಮ ರೀತಿಯಲ್ಲಿ ರಚಿಸಿ, ಸಂಘಟಿಸಿ ಮುನ್ನಡೆಸಿದ ಹೆಗ್ಗಳಿಕೆ ಇವರದ್ದು.
ಮೃತರು ಪತ್ನಿ ಮಮತಾ, ಮಗಳಾದ ಪ್ರಿಯ ಅಣ್ಣ, ಅಕ್ಕಂದಿರು ಹಾಗೂ ಬಂಧು ಬಳಗದವರನ್ನು ಅಗಲಿದ್ದಾರೆ.
ಇಂದು ಬೆಳಗ್ಗೆ 9.30 ಕ್ಕೆ ಶಿವಪ್ರಿಯ ಉಪ್ಪಾರು ಮನೆಯಲ್ಲಿ ಅಂತಿಮ ದರ್ಶನಕ್ಕೆ ಅವಕಾಶ ಕಲ್ಪಿಸಲಾಗಿದೆ.
