ಬೆಳಾಲು: ವೃದ್ದೆಯನ್ನು ಕೊಲೆಗೈದು ಚಿನ್ನಾಭರಣ ದರೋಡೆ ಮಾಡಿದ ಆರೋಪಿ ಪೊಲೀಸರ ವಶ
ಬೆಳಾಲು: ಮನೆಯಲ್ಲಿ ಒಬ್ಬಂಟಿಯಾಗಿದ್ದ ವೃದ್ದೆಯನ್ನು ಕೊಲೆ ಮಾಡಿ ಚಿನ್ನಾಭರಣ ಹಾಗೂ ಹಣ ದರೋಡೆ ಮಾಡಿ ಪರಾರಿಯಾದ ಆರೋಪಿ ಇದೀಗ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.
ಬೆಳಾಲು ಗ್ರಾಮದ ಅಕ್ಕು ಎಂಬ ವೃದ್ದೆಯು ಮನೆಯಲ್ಲಿ ಒಬ್ಬಂಟಿಯಾಗಿ ಇರುವುದನ್ನು ತಿಳಿದ ಸಂಬಂಧಿ ಅಶೋಕ್ ಎಂಬವನು ವೃದ್ದೆಯ ಎರಡು ಕಿವಿಯನ್ನು ಹರಿದು ಕಿವಿಯಲ್ಲಿದ್ದ ಚಿನ್ನವನ್ನು ಎಳೆದಿದ್ದಾನೆ ನಂತರ ಹಣವನ್ನು ದರೋಡೆ ಮಾಡಿ ಪರಾರಿಯಾಗಿದ್ದ. ವೃದ್ದೆಯ ಮೊಮ್ಮಗಳು ಶಾಲೆಯಿಂದ ಮನೆಗೆ ವಾಪಾಸಾದಾಗ ಆಕೆಯ ಅಜ್ಜಿಯು ನರಳಾಡುವುದನ್ನು ಕಂಡು ಪಕ್ಕದ ಮನೆಗೆ ಮಾಹಿತಿ ತಿಳಿಸಿದ್ದಾಳೆ. ಈ ವೇಳೆ ಪಕ್ಕದ ಮನೆಯವರು ಓಡಿ ಬಂದು ವೃದ್ದೆಯನ್ನು ಆಸ್ಪತ್ರೆಗೆ ಸಾಗಿಸಲು ವಾಹನಕ್ಕೆ ಕರೆ ಮಾಡಿ ಕಾಯುತ್ತಿದ್ದಾಗ ವೃದ್ದೆ ಅಕ್ಕು ಅಸ್ವಸ್ಥತೆಯಿಂದ ಸಾವನ್ನಪಿದ್ದಾರೆ.
ಮನೆಯವರು ಮನೆಯನ್ನು ಪರಿಶೀಲಿಸಿದಾಗ ವೃದ್ದೆಯ ಕಿವಿಯು ಹರಿದಿದ್ದು ಚಿನ್ನಾಭರಣ ಹಾಗೂ ಮನೆಯಲ್ಲಿದ್ದ ಹಣ ವನ್ನು ದರೋಡೆ ಮಾಡಿರುವುದು ತಿಳಿಯುತ್ತದೆ. ಕೂಡಲೇ ಧರ್ಮಸ್ಥಳ ಠಾಣೆಯ ಪಿಎಸ್ಐ ಕೃಷ್ಣಕಾಂತ್ ಪಾಟೀಲ್ ಮತ್ತು ತಂಡ ಸ್ಥಳಕ್ಕೆ ಬಂದು ಪರಿಶೀಲನೆ ನಡೆಸಿದ್ದರು. ಕೊಲೆ ನಡೆದ ಕೆಲವೇ ಗಂಟೆಗಳಲ್ಲಿ ಧರ್ಮಸ್ಥಳ ಪೊಲೀಸ್ ತಂಡ ಕುಮೇರು ನಿವಾಸಿ ಅಶೋಕ್ ಗೌಡ ಎಂಬಾತನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿ ದರೋಡೆ ಮಾಡಿದ್ದ ವಸ್ತುಗಳನ್ನು ವಶಕ್ಕೆಪಡೆದುಕೊಂಡು ಆರೋಪಿಯನ್ನು ಬಂಧಿಸಿದ್ದಾರೆ.
